Harta Moti Imazhe satelitare
Stacione Webcams
Më të larta Më të ulta
 
Cërrik 27 Bulqizë 9
 
Kuçovë 26 Kurbnesh 10
 
Ura Vajgurore 26 Fushë-Arrëz 11
 
Elbasan 25 Pukë 12
 
Berat 25 Peshkopi 12

Breshëri shkatërron të mbjellat, çmendet moti edhe në Tiranë

09.05.2013

Lezhë- Ende pa u rikuperuar dëmet e shkaktuara ngë rreshjet e dendura të shiut të dimrit, fermerët e qarkut të Lezhës janë përballur me një tjetër egërsim natyror.
Sipërfaqe të tëra me të mbjella në janë dëmtuar dhe pjesa më e madhe e prodhimeve kanë dalë jashtë përdorimit si pasojë e një breshëri të fuqishëm që ka rënë këtë të mërkurë.
Kanë mjaftuar vetëm disa minuta të rënies së një breshëri të rrëmbyeshëm që 90% e prodhimit të shkatërrohet në fshatrat e Tales, 3500 banorëve të Shushicës, Gjinarit, Shelcanit dhe Zavalinës.
Duke shkaktuar dëme të mëdha të kulturave që për këtë vit nuk mund të mbillen më. Për banorët e këtyre zonave, bujqësia është e vetmja mënyrë për të mbijetuar dhe për të mbajtur ekonominë familjare në këmbë.
Vetë ata shprehen se ky është një fenomen që nuk ka ndodhur që prej shumë vitesh. Zona e Tales është një zonë e cila njihet për prodhueshmëri të lartë të kulturave bujqësore dhe mbarështimin e blegtorisë, që këtë vit do të jetë shterpë.
Nga llogaritetjet e para të ekspertëve të komunës së Shushicës, mësohet se janë dëmtuar tërësisht 100 hektarë grurë, 100 hektarë foragjere, 60 hektarë pemëtore dhe vreshta si dhe 40 hektarë perime. Ndërsa 30 shtëpive u janë dëmtuar çatitë.
Sipas specialistëve dëmi ka qenë tepër i madh për zonën dhe llogaritet deri në 2 mln dollarë.
Banorët përballë kësaj situate bëjnë thirrje që të kompensohet për dëmin që u ka shkaktyar natyra, pasi nga kjo goditje ata kanë humbur gjithçka.
Ndërsa edhe në kryeqytet situata paraqitet e zymtë. Rrugët janë mbushur me ujë dhe rreshjet e dendura të shiut kanë nisur pa pushim gjatë pasdites. Nuk mungojnë as vetëtimat dhe temperaturat janë ulur ndjeshëm.

lajme.shqiperia.com

më shumë »
This website is using cookies to provide its services, personalization of displayed advertisements and traffic analysis. Google publishes part of this information about your usage of this web site. By using this web site, you accept the use of cookies. Learn more Done